Emprim festival
da la chanzun rumantscha
15 – 17 da mars 2019 a Trun
uniun Punct da partenza
La Rumantschia viva. Quai na sa mussa betg il pli davos en il chant ed en la chanzun rumantscha. I dat mellis chanzuns da tut gener. Chanzuns popularas, chanzuns religiusas, chanzuns da festa etc. Grondius cumponists ed auturs han contribuì bler, han scrit nundumbraivlas chanzuns d’auta qualitad, e mintgina da quellas è in crappin che furma la fin finala il mosaic da la chanzun rumantscha. Mintga chanzun è perditga da noss patratgs, nossas temas, nossa mentalitad, nossa cultura.
E nossa cultura furma ina part da nossa identitad. En la Bassa sentan ins adina puspè ch’i regia ina auta stima per la cultura da chant rumantsch. Quai è bel e nus dastgain avair plaschair da quai. Dentant, vivin nus vairamain daltuttafatg en il preschent, ubain vivin nus anc adina dals temps passads? Noss cumponists, pia ils auturs e stgaffiders da las chanzuns da chor, vegnan pli e pli scarts.
uniun ils responsabels
mainaproject Clau Scherrer
mainaproject Giusep G. Decurtins
administraziun Flavia Walder
cassiera Iris Cadalbert
finanzas Peter Daniels
pr e medias Erwin Ardüser
chantauturs Alexi Nay
chant en famiglia Rilana Cadruvi
concurrenza Christoph Cajöri
concert da gala Corsin Tuor
chanzun populara Ursin Defuns
canzun d’art Gieri Maissen
discussion da podi Laura Decurtins
logistica Matilda Maissen
notas Luzius Hassler
Glista da cumponists L’uniun «La chanzun rumantscha» è premurada da tgirar ina glista cun cumponists da chanzuns rumantschas glista da cumponists
festival La finamira
Per savair mantegnair ragischs èsi da gronda impurtanza ch’i dettia adina puspè novs chatschs. Autruisa daventa nossa cultura museala. Bain savend ch’i ha dà differentas emprovas en quella direcziun, èn ils organisaturs dal «Festival da la chanzun rumantscha» persvadì da la necessitad dad organisar ina fin d’emna che duai star daltuttafatg sut l’ensaina da la musica, en spezial da la chanzun rumantscha. In festival da la chanzun rumantscha ch’avess lieu regularmain mintga trais onns, fiss pia ina scuntrada interrumantscha.
Quai per vegnir conscient da quai ch’exista gia, lura dentant era per stgaffir ina plattafurma per novas ideas. Cun sias registraziuns ed emissiuns fa RTR gia dapi onns grondas stentas per far punts tranter ils idioms e tranter las regiuns e valladas rumantschas. I dat anc blers grondius stgazis musicals che pon vegnir scuverts! Era quai duai esser in patratg central. Ins duai rimnar, publitgar e vegnir conscients da l’agen stgazi. Ils cumponists duajan survegnir ina plattafurma per publitgar lur lavurs. Bler memia bler lavurs van a perder sin in u l’auter «fegl sgulant».
festival il program
20:00 – 23:00
Avertura e concert cun differents chantauturs rumantschs
Center communal Trun: Avertura dal festival
La scena dals chantauturs rumantschs viva pli che mai. Quai ei in fatg zunt legraivel! Els han maun liber per sa preschentar en in concert.
Caplutta s.Onna, sala d’art e suttetg Center communal:
Concert cun Astrid Alexandre, Sidonia Caviezel, tumasch è (Thomas Cathomen), Fiona Cavegn, Pascal Gamboni e Dario Hess.
Fiona CavegnSidonia CaviezelPascal GamboniDario Hess
09:30 – 10:15, Sala da cultura Trun
Cant en famiglia – concert e cant aviert
L’emprim ed il pli impurtant impuls per far musica survegnan ils uffants da lur dachasa, en famiglia. Ensemen cun il Chor d’affons Sumvitg (direcziun: Flavia Walder) e cun il Chor d’affons Surselva (direcziun: Rilana Cadruvi Scherrer) chantain nus chanzuns d’uffants. Ina occurrenza per pitschen e grond, per giuven e vegl.
Chor d’affons SumvitgChor d’affons Surselva
10:45 – 11:15, Center communal Trun
Corin Curschellas & Fränzlis da Tschlin
Preschentaziun dal nov dc «1,2,3 dai & hop»
Tant geograficamain sco linguisticamain èn Corin Curschellas da la Surselva ed ils Fränzlis da Tschlin da l’Engiadina Bassa uschè lunsch in ord l’auter sco quai è mo pussaivel en il Grischun. Las/ils sis musicantas e musicants passiunads sa chattan dentant en la musica e las bellas, schregas, allegras e tristas chanzuns d’uffants en tut ils idioms rumantschs. Quellas han els rimnà ed arranschà per in program da concert per famiglias e per in disc cumpact dubel (DCD). Il nov DCD «1,2,3 dai & hop!» vegn preschentà ils 16 da mars 2019 a chaschun dal concert dals Fränzlis da Tschlin e da Corin Curschella a Trun.
Corin Curschellas & Fränzlis da Tschlin
14:00 – 16:00, Center communal Trun
Concurrenza da novas cumposiziuns
Final da la concurrenza da cumposiziun da chors. Trais chors ad hoc chantan mintgamai quatter canzuns da mintga gener (chor d’uffants, chor maschadà e chor viril) ch’èn vegnidas tschernidas e premiadas d’ina giuria. Era il public dastga dar la vusch a sia chanzun preferida e premiar «la chanzun dal public».
20:00 – 22:00, Center communal Trun
Concert da gala
Corsin Tuor cun la Brass Band Berner Oberland (BBO), incantanti e cantus firmus surselva preschentan «Perlas rumantschas III»
Ils onns 2006 e 2013 ha la chasa editura «Musikverlag lucerne music edition» (LME) producì – en collavuraziun cun Radiotelevisiun Svizra Rumantscha (RTR) – ils dus portatuns «Perlas rumantschas I» e «Perlas rumantschas II». Suenter l’emprima producziun instrumentala cun Brass Band è la Brass Band vegnida cumplettada tar las «Perlas rumantschas II» cun in ensemble vocal dad umens.
L’enviern 2019 vegn Corsin Tuor, l’iniziant e manader musical da la producziun Perlas rumantschas, a cumplettar la trilogia. La terza producziun è tant culminaziun sco era finiziun da quest project. «Perlas rumantschas III» unescha chant da chor maschadà cun Brass Band e stgaffescha uschia ina punt tranter questas duas pitgas impurtantantas da nossa cultura da musica en il Grischun.
Medemamain sco primaudiziun èn d’udir trais cumposiziuns dal cumponist da renum internaziunal Ivo Antognini cun texts d’Arnold Spescha.
Brass Band Berner Oberlandincantanticantus firmus surselva
22:00 – 23:00, Center communal Trun
Cant aviert
Suenter il concert stain nus da cumpagnia cun Ursin Defuns e Gion Andrea Casanova e chantain chanzuns popularas da tut las regiuns rumantschas.
11:00 – 12:00, Center communal Trun
Matinée «La canzun d’art romontscha»
Noss cumponists da professiun han scrit numerusas e grondiusas cumposiziuns per chant solistic. Cumposiziuns ch’èn per part anc nunenconuschentas. Fitg blers chantadurs da professiun tschertgan adina puspè nova literatura. Nus vulain menar ensemen quels dus munds – ils cumponists ed ils interprets – en in concert.

Sin tribuna: Lothar Burtscher (bariton), Sara-Bigna Janett (sopran) Judit Scherrer (sopran), Alena Sojer (piano). D’udir èn primaudiziuns e chanzuns che vegnan preschentadas darar d’Armon Cantieni, Gion Antoni Derungs e Beni Dolf.
Judit ScherrerSara-Bigna JanettLothar BurtscherAlena Sojer
12:30 – 13:30, Center communal Trun
Discussiun da podi
Iso Albin, Astrid Alexandre, Peter Appenzeller, Laura Decurtins e Beni Vigne filosofeschan davart «l’olma rumantscha» e la situaziun generala dal chant e da la musica en terra rumantscha. Manader da la discussiun: Martin Gabriel
Fin da l’emprim Festival da la chanzun rumantscha
Surdada da l’organisaziun
dal segund Festival da la chanzun rumantscha
Gastronomia
Organisaziun da l’ustaria al lieu: Chor cecilian Trun
Stans d’infurmaziun
Lia Rumantscha: Infurmaziun e vendita da cudeschs e musicalias. – Viseta la pagina
«Tgea da tgànt»: Infurmaziuns en connex cun il project. – Viseta la pagina
Archiv da notas: Infurmaziuns en connex cun il project da Luzi Hassler. – Viseta la pagina
festival pretschs d’entrada

20.–

venderdis
cantauturs

25.–

sonda
concurrenza

30.–

sonda
concert gala

20.–

dumengia
matinée
Per uffants sut 6 onns è l’entrada gratuita.
Uffants da 6 fin 16 onns pajan mintgamai 10.– frs.

Chant en famiglia e discussiun da podium èn gratuit.
festival concurrenza da cumposiziun
En il rom dal festival vegn organisada ina concurrenza da cumposiziun per novas chanzuns rumantschas per chors. Finamira: Metter a disposiziun als chors rumantschs – ed a tut ils chors interessads – novas chanzuns rumantschas. Antruras eran quai savens cumponists na-rumantschs, per il pli da lingua tudestga, che han scrit chanzuns rumantschas. Ord quest motiv lain nus era animar cumponists ch’èn betg da lingua rumantschs da participar a la concurrenza e da metter en musica texts rumantschs.
LA CONCURRENZA È TERMINADA.
Las chanzuns selecziunadas vegnan preschentadas sonda, ils 16 da mars 2019 (guarda program dal festival).
Participaziun: Participar pon tuttas cumponistas e tuts cumponists, independent da la vegliadetgna e da la naziunalitad.

Categoria: En mintga categoria po vegnir inoltrada sulettamain ina cumposiziun/ina chanzun.

Publicaziun: La chanzun na dastga betg vegnir publitgada, producida e preschentada enfin la fin da la concurrenza.

Giuria: Ils commembers da la giuria na dastgan betg participar a la concurrenza.
Categorias: La concurrenza vegn publitgada per trais categorias: Chor d’uffants (1 – 3 vuschs, accumpagnament da clavazin pussaivel), chor maschadà e chor viril (3 ubain 4 vuschs, a cappella).

Grad da difficultad: Lev.

Durada: 2 – 4 minutas.

Texts: A disposiziun stattan texts en ils tschintg idioms ed en rumantsch grischun (cun translaziun tudestga). Las cumponistas ed ils cumponists pon dentant era sez eleger in text rumantsch.
Quatter copias da las chanzuns senza indicaziun dal num/autur. Il num vegn remplazzà sin la partitura cun quatter cifras. Agiuntà vegn ina cuverta serrada – sin la vart davant vegn nudada la medema cifra sco sin la partitura. In fegl cun las coordinatas da la cumponista/dal cumponists: Num, prenum, adressa, numer da telefon, e-mail.

Trametter fin glindesdi, ils 11 da zercladur 2018
(data dal bul postal) a:

Festival da la Chanzun Rumantscha
Christoph Cajöri
Bollstrasse 31
5442 Fislisbach
Per mintga categoria datti trais premis:

1. premi:
frs. 1500.–

2. premi:
frs. 1000.–

3. premi:
frs. 500.–
La giuria consista da trais musicistas/musicists da professiun, renconuschids en la scena da chors. Las decisiuns da la giuria na pon betg vegnir contestadas. I na dat nagina correspondenza da la concurrenza e la via giuridica è exclusa.
Or da las chanzuns inoltradas selecziunescha la giuria mintgamai quatter cumposiziuns. Trais chors ad hoc emprendan las quatter chanzun da las differentas categorias (chor d’uffants, chor maschadà, chor viril) e preschentan quellas a chaschun da l’occurrenza finala al publicum, Silsuenter elegia il public en sala «la chanzun dal public». Las chanzuns ch’èn vegnidas selecziunadas vegnan edidas e stattan a disposiziun a chors interessads.
L’uniun «La Chanzun Rumantscha» vul stgaffir ina scuntrada interrumantscha che duai promover la musica rumantscha en general, ed en spezial la chanzun da chor. Daventa era ti commembra/commember da l’uniun «La chanzun rumantscha».
medias
Noss donaturs
Project «Tgea da tgànt» a Mathon Visita la pagina d’internet
contact
Per plaschair emplenir ora tut