Chiara Jacomet
& Pascal Dittli

Chiara Jacomet ha 23 onns e studegia cant e cumposiziun da jazz alla scol’aulta da musica a Lucerna. Sia emprema formaziun romontscha da giuvnas «Chiara» ha menau ella sin biaras differentas tribunas. Daferton ei la band da giuvnas sesviluppada e seformada ad in duo da dunnas. La fin digl onn 2021 fundescha Chiara ensemen cun la batterista ed arranschadra Momo Kawazoe «ladunna». Ils texts lirics ed emoziunals e las melodias da Chiara, sco era sia vusch bassa e stgira vegnan enrihi dils arranschaments electronics da Momo. Il caracter dallas canzuns muossa ferma energia feminina, scaffescha muments pensivs, sveglia denton era il giavisch da saltar.

Las portas al jazz slarga Chiara cun in proxim duo. Ensemen cul pianist uranes Pascal Dittli da 26 onns che studegia medemamein alla scol’aulta a Lucerna fa ella regularmein musica. Els davos onns ha el sunau en differentas formaziuns e bands nua che la stilistica semuentava denter jazz, hiphop e pop. Il duo Chiara e Pascal interpreteschan atgnas cumposiziuns dalla cantautura, sco era tocs da jazz e da pop. Els harmoniseschan fetg bein e creeschan aschia in stil tut special d’improvisaziun. Lur musica sonora derasa in’atmosfera intima.