Ganes –
Or brüm, il nov program live e bain spert er in disc

Dal 2010 avain nus pudì far ina fitg bella scuverta. In trio da La Val en las Dolomitas è s’annunzià tar nus ed ha preschenta in disc cun chanzuns ladinas. Gia cun tadlar l’emprima giada èsi sta cler: quà avain nus en maun in disc zunt spezial, innovativ, surprendent e da gronda qualitad artistica.

Ganes, quai èn las sors Marlene ed Elisabeth Schuen e lur cusrina Maria Moling, e tuttas trais han fatg in studi da musica en l’Austria. Quai è il fundament da la band. Agiuntà vegn l’element da la cultura ladina che ha gronda impurtanza per ellas e che dat ina colur tut atgna a lur musica. E sco terz: lur grond gust da pruvar, experimentar ed er da surpassar ils cunfins. Lur emprim «Rai de sorëdl», e las chanzuns «Nia l’dert», «Ci morvöia», ubain «Bel müs», ha mussà la via: pop inscuntra musica populara e mundiala e tuna enorm bain.

Cur lur proxims discs «Mai guai» e «Parore & Neores», han ellas fatg in grond pass enavant ed ha engrondi lur spectrum, e surtut il groove da las chanzuns è entrà in sferas novas. Sin lur quart disc «Caprize», preschentan Ganes puspè tuns novs: ina giada loms e sferics, feminins e sensuals, lura puspè urbans e progressivs. Dapi il 2018 vegnan accumpagnadas las sors Marlene ed Elisabeth Schuen da la bassista Natalie Plöger.