Scuntrada interrumantscha

La chanzun rumantscha

Festival 2025 a Vella
Il festival 2022 a Zuoz tar RTR
Proxim festival a Vella
3 fin 05-10-2025
3. Festival da la chanzun rumantscha

Il proxim Festival da la chanzun rumantscha ha lieu dals 3 fin ils 5 d’october 2025 a Vella en Lumnezia. La suprastanza da la UCR ed in comite local han gia cumenzà cun las preparativas. Il program vegn communitgà pli tard. Nudai gia oz il datum dal 3. Festival da la chanzun rumantscha en Lumnezia en Voss’agenda.

Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella

Photos © Mattias Nutt Photography / Vischnaunca Lumnezia

La concurrenza da cumposiziun
Ina part essenziala dal festival è da promover cumposiziuns novas per noss chors. Perquai avain nus envida cumponistas e cumponists da crear cumposiziuns per enritgir la purschida per noss chors. Quellas èn vegnidas valitadas d’ina giuria professiunala e vegnan preschentadas durant il festival. La decisiun è lura tar il public che tscherna sias chanzuns favuritas da mintga categoria.
Ils victurs 2022 a Zuoz
Chor viril

1. premi

Christoph Cajöri

cun la chanzun DA CAPO
text d’Arnold Spescha

2. premi

David Lang

cun la chanzun LA PRÜM AMUR
text d’Artur Caflisch

3. premi

Flavio Bundi

cun la chanzun HIMNI ALLA PRIMAVERA
text d’Alfons Tuor

4. premi

Thomas Tschuor

cun la chanzun IL MATG EI CHEU
text d’Alfons Vinzens

Valitaziuns dal public

Flavio Bundi

cun la chanzun HIMNI ALLA PRIMAVERA

Chor maschadà

1. premi

Cyrill Schürch

cun la chanzun FLURAS
text da Gion Battesta Spescha

2. premi

Flavio Bundi

cun la chanzun EI PLUSCHIGNA
text d’Arnold Spescha

3. premi

Thomas Tschuor

cun la chanzun O EN
text da Jon Guidon

4. premi

Helena Reisp

cun la chanzun I CHATSCHA DI
text da Luisa Famos

Valitaziuns dal public

Helena Reisp

cun la chanzun I CHATSCHA DI

Chor d’uffants

1. premi

Jan van der Roost

cun la chanzun MIU MINMIN
text d’Arnold Spescha

2. premi

Cyrill Schürch

cun la chanzun I CHATSCHA DI
text da Luisa Famos

3. premi

Claudio Simonet

cun la chanzun IL GIAT
text d’Artur Caflisch

4. premi

Nina Mayer

cun la chanzun MAMMA
text da Nina Mayer

Valitaziuns dal public

Nina Mayer

cun la chanzun MAMMA

Download da las notas
Grond success per la concurrenza da cumposiziun dal Festival da la chanzun rumantscha 2022

Avant 3 onns, tar l’emprima concurrenza, eran vegnidas inoltradas 35 chanzuns. Per la concurrenza da cumposiziun dal segund festival dal 2022 hai dà grond interess ed ina participaziun da record cun 49 cumposiziuns inoltradas.

Quellas sa repartan sin las suandantas categorias:
13 chanzuns per chor d’uffants
23 chanzuns per chor maschadà
13 chanzuns per chor viril

Il pensum da la giuria

La giuria ha survegnì las cumposiziuns e fin mez settember 2021 ha ella fatg ina selecziun e rangaziun.

a) per las trais categorias: chor d’uffants, chor maschadà e chor viril vala il principi definì en il reglament: La giuria ha elegì 4 chanzuns da mintga categoria ed ha ranga quellas: emprim fin quart rang.

b) Il schef da la giuria ha tramess la rangaziun purifitgada e definitiva al responsabel Giusep Giuanin Decurtins.

L’atun passa, en occasiun da la radunanza generala da l’uniun «La chanzun rumantscha» èn quellas 4 chanzuns vegnidas surdadas a Curdin Lansel, il president dal comité d’organisaziun dal 2. Festival da la chanzun rumantscha a Zuoz, per preparar ils chors per il festival a ZUOZ.

Trais chors ad hoc han emprais las quatter chanzuns da las differentas categorias (chor d’uffants, chor maschadà, chor viril) e preschentan quellas a chaschun dal Festival a Zuoz al public. Silsuenter elegia il public en sala «La chanzun dal public». Las chanzuns ch’en vegnidas selecziunadas vegnan publitgadas sin la nossa pagina d’internet e stattan a disposiziun a chors interessads.

Qua anc in pau statistica:

Las 49 cumposiziuns tenor idioms:

Chor d’uffants
13 chanzuns: 5x ladin, 6x sursilvan, 2x surmiran

Chor maschadà
23 chanzuns: 10x ladin, 12x sursilvan, 1x surmiran

Chor viril
13 chanzuns: 2x ladin, 10x sursilvan, 1x surmiran

Auturas ed auturs dil texts da las 49 chanzuns (poetessas e poets)
12 chanzuns cun text da Arnold Spescha, 4 da Artur Caflisch e Luisa Famos, 3 da Alfons Tuor, Jon Guidon e Tresa Rüthers-Seeli, 2 da Armin Caduff, Leza Uffer e Victor Durschei, 1 divers.

La giuria consista da trais musicistas e musicists da professiun, renconuschids en la scena da chors. Las decisiuns da la giuria na pon betg vegnir contestadas. I na dat nagina correspondenza da la concurrenza e la via giuridica è exclusa.
Or da las chanzuns inoltradas ha selecziunà la giuria mintgamai quatter cumposiziuns. En occasiun da la radunanza generala da l’uniun La chanzun rumantscha èn quellas 4 chanzuns vegnidas surdadas a Curdin Lansel, il president dal comité d’organisaziun dal 2. Festival da la chanzun rumantscha a Zuoz per preparar ils chors per il festival a Zuoz.
Trais chors ad hoc emprendan las quatter chanzuns da las differentas categorias (chor d’uffants, chor maschadà, chor viril) e preschentan quellas a chaschun dal Festival a Zuoz al public. Silsuenter elegia il public en sala La chanzun dal public. Las chanzuns ch’en vegnidas selecziunadas vegnan publitgadas sin la nossa pagina d’internet e stattan a disposiziun a chors interessads.
Per mintga categoria datti 3 premis: Il victur retschaiva 1500 francs. Pil segund e terz plaz datti 1000 respectivamain 500 francs.
La finamira dil festival
Per savair mantegnair ragischs èsi da gronda impurtanza ch’i dettia adina puspè novs chatschs. Autruisa daventa nossa cultura museala. Bain savend ch’i ha dà differentas emprovas en quella direcziun, èn ils organisaturs dal Festival da la chanzun rumantscha persvadì da la necessitad dad organisar ina fin d’emna che duai star daltuttafatg sut l’ensaina da la musica, en spezial da la chanzun rumantscha. In festival da la chanzun rumantscha ch’avess lieu regularmain mintga trais onns, fiss pia ina scuntrada interrumantscha.
Quai per vegnir conscient da quai ch’exista gia, lura dentant era per stgaffir ina plattafurma per novas ideas. Cun sias registraziuns ed emissiuns fa RTR gia dapi onns grondas stentas per far punts tranter ils idioms e tranter las regiuns e valladas rumantschas. I dat anc blers grondius stgazis musicals che pon vegnir scuverts! Era quai duai esser in patratg central. Ins duai rimnar, publitgar e vegnir conscients da l’agen stgazi. Ils cumponists duajan survegnir ina plattafurma per publitgar lur lavurs. Bler memia bler lavurs van a perder sin in u l’auter fegl sgulant.
Festival 2019 a Trun Festival 2022 a Zuoz
Uniun la chanzun rumantscha
La Rumantschia viva. Quai na sa mussa betg il pli davos en il chant ed en la chanzun rumantscha. I dat mellis chanzuns da tut gener. Chanzuns popularas, chanzuns religiusas, chanzuns da festa etc. Grondius cumponists ed auturs han contribuì bler, han scrit nundumbraivlas chanzuns d’auta qualitad, e mintgina da quellas è in crappin che furma la fin finala il mosaic da la chanzun rumantscha. Mintga chanzun è perditga da noss patratgs, nossas temas, nossa mentalitad, nossa cultura.

E nossa cultura furma ina part da nossa identitad. En la Bassa sentan ins adina puspè ch’i regia ina auta stima per la cultura da chant rumantsch. Quai è bel e nus dastgain avair plaschair da quai. Dentant, vivin nus vairamain daltuttafatg en il preschent, ubain vivin nus anc adina dals temps passads? Noss cumponists, pia ils auturs e stgaffiders da las chanzuns da chor, vegnan pli e pli scarts.
Statuts sco PDF
La suprastanza
Clau Scherrer
president
Flavia Walder
administraziun
Iris Cadalbert
cassiera
Giusep G. Decurtins
assessur
Glista da cumponists
L’uniun «La chanzun rumantscha» è premurada da tgirar ina glista cun cumponists da chanzuns rumantschas.
Questa glista vegn cumplettada successivamain cun ulteriuras infurmaziuns. Infurmaziuns biograficas chattais Vus era sin las paginas e-lir.ch ubain hls-dhs-dss.ch.
Avais Vus cumplettaziuns, correcturas?
Contactai nus cun quest link.
Glista sco PDF
Contact tier l’uniun